ሰላማዊ የኢንዳስትሪ ግንኙነት ዳይሬክቶሬት

በዳይሬክቶሬቱ የሚሰጡዋና ዋና አገልግሎቶች     

1.የአሠሪና ሠራተኛ ጉዳይ ዘርፍ የህግ ማዕቀፎችና የሙያ ደህንነት፣ ጤንነትና የሥራ አካባቢ ጥበቃን በተመለከተ ጥናትና ምርምር ማካሄድ፣

2. የአሠሪና ሠራተኛ ጉዳይ የህግ ማዕቀፎች፣ፖሊሲዎች፣ደንቦች፣መመሪያዎችና ኮንቬንሽኖች በተመለከተ በአሰሪዎች፣ሠራተኞችና የሚመለከታቸው አካላት  ዘንድ ንቃተ ህግ እንዲፈጠር የግንዛቤ ማሳደጊያ ሥልጠናዎችንና የአድቮከሲ ሥራዎችን ማካሄድ፣
3. የሥራ አካባቢዎችና የሥራ ሁኔታዎችን ለማሻሻል የሚረዱ የሙያ ደህንነት፣ ጤንነትና ሥራ አካባቢ ጥበቃንና የመሠረታዊ ሥራ ሁኔታዎች አፈፃፀምን ለማረጋገጥ ጥምር የሥራ ሁኔታዎች ቁጥጥሮችን ማካሄድ፣
4. በመከላከል፣ከለላ በመስጠትና በመልሶ ማቋቋም መርህ ላይ በመመስረት በድርጅቶች ውስጥ አስከፊ የህፃናት ጉልበት ብዝበዛን መቆጣጠር፣ መከታተል፣ የምክርና የቴክኒክ ድጋፍ አገልግሎት መስጠት፣
5. በድርጅቶች የሙያ ደህንነትና ጤንነት አመራር ሥርዓትን መዘርጋትና  የድጋፍ አገልግሎት መስጠት፣
6. በሙያ ደህንነትና ጤንነት ዘርፍ በማመከር አገልገሎት ለሚሠማሩ የግል ድርጅቶች የብቃት ማረጋገጫ አገልግሎት መስጠት፣
7. የሥራ ቦታ ትብብርና የማህበራዊ ምክክር ስርዓትን በድርጅት ደረጃ መዘርጋትና የቴክኒክ ድጋፍ መስጠት
8. በአሠሪና በሰራተኞች መካከል የሚከሰቱ የሥራ ክርክሮችን በማስማማት እንዲሁም በአሠሪና ሠራተኛ ጉዳይ ወሳኝ ቦርድ በዳኝነት አገልግሎት እልባት እንዲያገኙ ማድረግ፣
9.  አሠሪዎችና ሠራተኞች ጥቅሞቻቸውንና መብቶቻቸውን ለማስከበር በህግ የተሰጣቸው በማህበር የመደራጀትና የህብረት ድርድር የማድረግ መብቶቻቸው መከበራቸውን ለማረጋገጥ መከታተልና ድጋፍ ማድረግ፣
10.  የአሠሪና ሠራተኛ ማህበራትንና የህብረት ሥምምነትን መመርመር፣ መመዝገብና የቴክኒክ ድጋፍ መስጠት፣
11.  የሥራ ሁኔታዎች መቆጣጠሪያ አገልግሎትን የማስፈጸም አቅምና የቴክኒካዊ የብቃት ደረጃ ለማሳደግና ለማሻሻል የሚረዱ የማቴሪያልና የባለሙዎች የአቅም ግንባታ ሥራዎችን ማካሄድ፣
12.  አዳዲስ ድርጅቶች ሲቋቋሙ፣ ሲስፋፉ፣ ስራቸውን ሲቀይሩ የሥራ ሁኔታቸው በሰራተኞች ደህንነትና ጤንነት ላይ ጉዳት የማያስከትሉ መሆናቸውን በማረጋገጥ የብቃት ማረጋገጫ መስጠት
13. ማህበር ባልተደራጀባቸው ድርጅቶች ሠራተኞች በማህበር የመደራጀት መብቶቻቸውን እንዲጠቀሙ ለማበረታታትና ለመደገፍ የሚያስችል ሥርዓት ዘርግቶ ተግባራዊ ማድረግ
14. ስራና ሰራተኛ አገናኝ ኤጀንሲዎች ላይ ቁጥጥር ማድረግ

                                                 ከተገልጋዮች የሚጠበቁ ጉዳዮች

1. የአሠሪና ሠራተኛ ማህበራት በሕግ መሠረት የመደራጀት መብታቸውን ተጠቅመው ማህበር ከመሰረቱ በኃላ ህጋዊ ሰውነት ለማግኘት የማህበሩን መረጃ ማቅረብ 
2. አዲስ የህብረት ስምምነትን ለማስመዝገብ፣ለማደስና ለማሻሻል ስፈልጉ አሰሪዎችና የሰራተኛ ማህበር አባላት የተፈራረሙበትን ሰነድ ማቅረብ ይጠበቅባቸዋል፡፡
3. በህግ ውስጥ የተቀመጡ መብትና ግዴታ ከተወጡ ከ60 ቀን በኋላ ከእኛ አገልግሎት ማግኘት ይችላሉ
4. በማህበር አመራር አባላት በኩል የወል የስራ ክርክር ለቋሚ ወሳኝ ቦረድ ማቅረብ፣
5. የአሠሪና ሠራተኛ ጉዳይ አዋጅ ቁጥር 1156/2011 የአሠሪና ሠራተኛን መሠረታዊ መብቶችን በመጠቀም የወል የስራ ክርክር ማቅረብ
6. ማንኛዉም በ1156/2011 አዋጅ መሠረት በሚተዳደሩ ድርጅቶች  ዉስጥ ተቀጥረዉ የሚሰሩ ሠራተኞች በስራ ቦታ በደል ደረሰብን የሚሉ  ተበዳዮች ቅሬታቸዉን በጽሑፍ ማቅረብ ይጠበቅባቸዋል