loosu bobbayishshi owaante halashsho dayirekitoreete

           Loosu bobbayishshi owaante halashsho dayirekitoreete uyiitanno owaante

1. Uurrinshate poolise, wodho, biddissuwa, konveenshiine, merihaagibirete qooxeessira huawanyoote halashshate qajeelsha, adivokesete owaante uyiinanni.
2. Mannu wolqa shiqqonna hasatto mereero noota foonqe kaima assine guutanna yanna agartinota dikkote taje horameeyyete iillinshanni.
3. Qansichootu bobbakkara albaanninna loosu iima heedheenna loosu budenna xaphooma loosu akati ledo amadaminohunni ogimmate amaale owaante uyiinanni.
4. Qoqqowu giddonna qoqqowu gobbaanni heedhanno latishshu uurrinshuwa mannu wolqa xa’mo haa’ne loosonna loosaasine xaadisate baatooshshiweelo loosu bobbayishshi owaante uyinanni.
5. Looso hogginorenna looso hasidhannor, hattono fano loosu bayicho borreessinanni.
6. Gobbate giddonna gobbate gobbayiidi hallanyu loosonna loosaasine xaadissanno ejensooti balaxote fajjo /sinu fajjo/ haaroonsate qorqorsha harunsotenna irkote owaante uyiinanni.
7. Gobbate gobbaanni hara hasidhanno qansichootira tekiniketenna ogimmate dandoo qajeelsha aate owaante uyiinanni.
8. Looso hoogginoriranna looso hasidhannorira balaxote loosu babbayishshi qajeelsha aate owaante uyiinanni.
9. Babbaxxitino hayyo horonsiratenni qeechu noonsa bissa ledo halamatenni doogimale mannu taraawo garigarate looso loonsanni.
10. Gobbate gobbayidi loosu bobbayishshi owaante uyiinanni. 

loosu bobbayishshi owaante halashsho dayirekitoreete gobbate giddo hallanyunni loosona loosaasine xaadissanno ejensooti fajjo afirate wonsha hasiissannonsa safaraancho.

1. Loosu fajjo fushshirate borrotenni shiqinoha xa’mote ku’laato.
2. Daddalu fajjonna daddalu su’ma borreessinoonniha farcote woraqata.
3. Ku’laanchu loosu bayichi teessonna biirote annimma umisita ikkituro animmate buuxishshi dabbitara woyi kiru sheemaati taje borreessammenna buuxote borro mininni buunxoonnita qara hinkiilo.
4. Fannanni biiro qara doogonni 100 meetire aleenni fafinokkihanna qara biiro kifile hala’linyi ajaa ajeenna 16 kaare meetire, owaatamaanote owaantanni kifile 20 kaare meetire xaphoomunni biirote hala’linyi 36 kaare meetire ikkeenna owaatamaanote barcimi ajaa ajeenna 12 ikka noosi.
5. Deerrase agadhitino biironna adderejaajjetete tantano leellishshanno chaarte.
6. Mannu wolqa tantano ejensete biiro deerrinni garinni
   1. Ejensete loosu harisaanchi.
   2. Hajo tirannohu
   3. Rikerdetenna tajete loosaasincho
   4. Qaxarate balaxo xawishshanna amaalete owaante ogeessa.
7. Loosoho hasiisannota mannu wolqa tittironna rosu deerri taje mittu mittunku loosaasinchiha loosu madawenna loosu qeechi tittirsha, hallanyu dhagge, paasipoortete bikki noonsare lame gurde fotogiraafe heedha noose.
8. Loosu harisaanchi ajaa ajeenna dippiloomu heereennasi dagoomu sayinse (higgetenni) ogimmanni dippilooma, 5 /ontu/ diri loosu rosicho,digire ikkiro 3 /sasu/ diri loosu rosichi noosiha/nooseta ikkasi/ikkase xawisano tajenna konni albaanni loosanno loosi mini giddonni looso agurino kiliiraanse shiqishira dandaannoha/dandiitannota.
9. Shoolunku loosaasineti qixirete borronsa tajubbate borreessammenna buuxishshi bo/mininni buuxoonnita qara hinkiilo.
10. Shoolunka loosaasinenna ejensete anna ayimma xawissannota haaroonsinoonniha olluu egensiishshi kaarde koppe.
11. Duuchunku shiqanno marraji shiqanno quchumi/woradi lo/da/ha/biddishshi bo/mini haja la’anosi qineessaanchi woyi ogeessi taje halaalaancho ikkase tiiteretenni buunxoonnita ikka noose.
12. Shoolunka loosaasinenna qaxarantino damoozi mootimmate giwire baatate dandiissannoha ikkasi buuxate.
13. Ejense karaayya’ino biiro aantete kiiro (4) ofoltino safaraano garinni ikkase ejensete taje buuxe qoqqowo soyaanno bisi buuxasi leellishannoha qineessaanchu/ogeessu malaatinninna maatamunni buuxamenna sonkoonnita huwata.
14. Ejensete anni, massagaano, miillanna loosaasine doogimale mannu taraawo wonjalinni qorichishanitino ikkirenna ayee wonjalinnino keeraano ikkansara buuxisiisannohu poolisete taje.
15. Ku’laanchu daddalu maamara ikkiro seeru biilloonye uyiinoonnisa bissanni buunxoonniha maamarunnita xintu borronna galtoomu jirte qara hinkiilo koppetee ledo.
16. Seerunni gumulloonniha fajjote owaante baatooshshe baantoonni darrasanya.
17. Ku’lanchu fajjo balaxote xawishshira beeqqasi biilloonyu noosi bisinni uyinoonniha farcote woraqata.
18. Borreessatenna filate jirte.
    1. Aye ejenseno looso hanafate albaanni looso hasidhanno ku’laasine borreessanna filate amuraati loosu biddissa qixxeesse shiqisha noosi.
19. Waasitinu woxenna inshuraanse
    1. Loosaasinete ledo loosu sheemaate wonshatenni loosaasincho hasidhanno uurrinshara shiqishatenni loosiisannohunna gashshannohu ejense loosaasinete qoossor waasitinnu agarooshshira hosannoha aaninoha woxu bikka baankete cufote hisaawe ofoshshiisha noosi.
    2. 100 geeshsha ikkitanno loosaasinera 100,000 Etiyophiu Birra
    3. 101 -500 geeshsha ikkitanno loosaasinera 250,000 Etiyophiu Birra.
    4. 500 aleenni ikkitanno loosaasine heedhuro 350,000 Etiyophiu Birra.