Biilloonyenna Loosu Qeecha

  Loosu, Dandootenna Interprayizete Latishshi Biiro Biilloonyenna Loosu Qeecha 

1. Qoqqowu giddo looso hasidhanno addinnii wedellunna meyati looso kalaqate hala’ladunni bobbakkanno gede huwanyo kalaqate, qajeelishunni irkisate, loosu base injeesate, liqoote, dikkote xaadooshshi amaalenna woloota kaa’lo afidhanno gede assitanno; injo kalaqqanno. 

2. Interpirayzete irko paakeeje qixxeessitanno, qineessitanno, jeefisiissanno, loosu aana hosaseno ha’runsitanno.

3.  Manufakcherete laalcho baara widira sokkanno Interpirayzoota hajo la’annonsa bisubba ledo halamatenni laalchonsa baara widira sokkanno gede irkissanno.

 4. Loosu kaayyo kalaqate amaale mini baalante tantanora uurranno gede assitanno, amaalete minira looso qineesitanno, hasiissanno irko uyitnno. 

5. Looso kalaqatenna loosu kaayyo aana xiinxallo assitanno, hajo la’annonsa bisubba shiqishatenni kaajjishiishidhanno, gumulo loosu aana hosase ha’runsitanno. 

6. Quchumu sagalete waastinni pirogiraame annimmatenni massagganno, hajo la’annonsa bisubba ledo halamatenni irkissanno, jeefishsha ha’runsitanno, hegeraanchu latishshi ledo waaxo kalaqqanno. 

7. Hojji sektere widoonni kalaqantanno seedanna harancho yanna loosu kaayyo jeefishsha ha’runsitanno, irkissanno. 

8. Hallanyu handaarira loosiisaanotenna loosaasinete xaadooshshe massagate fultino polisenna seerubba qoqqowu giddo loosu iima hosansa aliidimmatenni harunsitanno. 

9. Loosiisaanotenna loosaasinete mereero heeranno lami-xaado hattono loosiisannote, loosaasinetenna mootimmate mereero heeranno sasi-xaado kaajishshanno loossa loosanno. 

10. Loosu yekeero qaroomi’no garinni gumulo afidhanno gede irkisanno amuraatubba sirsitanno, jeefishshansano harunsitanno. 

11. Seeru garinni fajjo afidhe qoqqowu giddo addi addi loosu handaarira bobbakkino baara widi qansoota borreessitanno, harunsitanno, loosu fajjonsa haaroo’mase buuxanno. 

12. Addi addi mootimmate uurrinshshuwa giddonna mootimmatenni loosantanno addi addi pirojektubba widoonni kalaqantanno loosu kaayyo jeefishsha ha’runsitanno. 

13. Qoqqowoho ikkitannota tekiniketenna ogimmate qajeelshi pirogiraamma gobboomu deerransa agadhite ha’ransa buuxxanno. 

14. Deerrase agadhitino safoniti boodillaananna mereerima tekiniketenna ogimmate rosi qajeelshi kaarkuleeme qixxaabanno gede assitanno; ha’runsitanno; irkissanno. 

15. Qoqqowoho industiretenna investimentete millimmo irkissannota safonita boodillaananna mereerimu deerri tekinikete ogimma qajeelshu uurrinshuwa uurrissanno; halashshitanno; gashshitanno. 16. Tekiniketenna ogimmate rosinna qajeelshi kolleejuwanna hakko handaarira bobbakkannore wole qajeelshu uurrinshuwara balaxiafamooshshunna afamooshshu fajjoote uytanno; haaroonsitanno; deerru woroonni higge leelturo fajjootensa hooltanno. 

17. Rosunna qajeelshunniha ogimmate ikkadimma buuxishshi amuraate qixxeessitanno; jeefishshasi ha’runsitanno; illaallissanno. 

18. Konni handaarira hojji dureeyyenna mootimmaweelo uurrinsha beeqqitanno gara injeessitanno; jawaachishshanno; hasiissanno irko assitanno. 

19. Qoqqowunnita tekiniketenna ogimmate rosinna qajeelshi istiraateeje qixxeessitanno; fajjiniro jeefissanno; jeefisiissanno. 

20. Qoqqqowoho taalchunna farcamaanchu tekiniketenna ogimmate qajeelshi tuqishshi hee’ranno gede assitanno. 

21. Dikkote hasatto mereersinoha rosaminonna rosaminokki qajeelshi pirogiraame roso qixxeessitanno; loosu aana hossanno gede assitanno; karikuleme qixxaabbanno raga leellishshanno. 

22. Tekiniketenna ogimmate qajeelshi mereershuwa albillicho fulonsa uminsanni wonshi’ra dandiissitannota eo lossate raga maltanno. 

23. Tekiniketenna ogimmate qajeelshi uurrinshuwa gutoomunni qajeelsha uytanno assooti biddissa fushshitanno; jeefishshaho irkissanno; ha’runsitanno. 

24. Qoqqowunnita sayinsetenna tekinoloojete hasatto baddanno, hajo la’annonsa bisubba ledo malamatenni hasatto wonshinanni gara injeessitanno. 

25. Hajo la’annonsa bisubba ledo halamatenni qoqqowu giddo tekinoloojete paarke uurritanno gede assitanno. 

26. Hexxose loosu aana hosiisate hasiissanno wole hajubba jeefisiissanno.”