Employer and employee development sector

1. ሰላማዊ የኢንዳስትሪ ግንኙነት ዳይሬክቶሬትየሚሰጡ ዋናዋና አገልግሎቶች    

• የአሠሪና ሠራተኛ ጉዳይ ዘርፍ የህግ ማዕቀፎችና የሙያ ደህንነት፣ ጤንነትና የሥራ አካባቢ ጥበቃን በተመለከተ ጥናትና ምርምር ማካሄድ፣

• የአሠሪና ሠራተኛ ጉዳይ የህግ ማዕቀፎች፣ፖሊሲዎች፣ደንቦች፣መመሪያዎችና ኮንቬንሽኖች በተመለከተ በአሰሪዎች፣ሠራተኞችና የሚመለከታቸው አካላት  ዘንድ ንቃተ ህግ እንዲፈጠር የግንዛቤ ማሳደጊያ ሥልጠናዎችንና የአድቮከሲ ሥራዎችን ማካሄድ፣

•  የሥራ አካባቢዎችና የሥራ ሁኔታዎችን ለማሻሻል የሚረዱ የሙያ ደህንነት፣ ጤንነትና ሥራ አካባቢ ጥበቃንና የመሠረታዊ ሥራ ሁኔታዎች አፈፃፀምን ለማረጋገጥ ጥምር የሥራ ሁኔታዎች ቁጥጥሮችን ማካሄድ፣

• በመከላከል፣ከለላ በመስጠትና በመልሶ ማቋቋም መርህ ላይ በመመስረት በድርጅቶች ውስጥ አስከፊ የህፃናት ጉልበት ብዝበዛን መቆጣጠር፣ መከታተል፣ የምክርና የቴክኒክ ድጋፍ አገልግሎት መስጠት፣

• በድርጅቶች የሙያ ደህንነትና ጤንነት አመራር ሥርዓትን መዘርጋትና  የድጋፍ አገልግሎት መስጠት፣

• በሙያ ደህንነትና ጤንነት ዘርፍ በማመከር አገልገሎት ለሚሠማሩ የግል ድርጅቶች የብቃት ማረጋገጫ አገልግሎት መስጠት፣

• የሥራ ቦታ ትብብርና የማህበራዊ ምክክር ስርዓትን በድርጅት ደረጃ መዘርጋትና የቴክኒክ ድጋፍ መስጠት

• በአሠሪና በሰራተኞች መካከል የሚከሰቱ የሥራ ክርክሮችን በማስማማት እንዲሁም በአሠሪና ሠራተኛ ጉዳይ ወሳኝ ቦርድ በዳኝነት አገልግሎት እልባት እንዲያገኙ ማድረግ፣ 

• አሠሪዎችና ሠራተኞች ጥቅሞቻቸውንና መብቶቻቸውን ለማስከበር በህግ የተሰጣቸው በማህበር የመደራጀትና የህብረት ድርድር የማድረግ መብቶቻቸው መከበራቸውን ለማረጋገጥ መከታተልና ድጋፍ ማድረግ፣

• የአሠሪና ሠራተኛ ማህበራትንና የህብረት ሥምምነትን መመርመር፣ መመዝገብና የቴክኒክ ድጋፍ መስጠት፣

• የሥራ ሁኔታዎች መቆጣጠሪያ አገልግሎትን የማስፈጸም አቅምና የቴክኒካዊ የብቃት ደረጃ ለማሳደግና ለማሻሻል የሚረዱ የማቴሪያልና የባለሙዎች የአቅም ግንባታ ሥራዎችን ማካሄድ፣ 

2. የሥራ ሥምሪት አገልግሎት ማስፋፊያ ዳይሬክቶሬት የሚሰጣቸው አገልግሎቶች

• የተቋሙ ፖሊስዎች፤ ደንቦች፤ መመሪያዎች፤ ኮንቬንሽኖች፤ መርሀ-ግብሮች ዙሪያ የግንዛቤ ማዳበሪያ ስልጠና፤ የአድቮኬሲ አገልግሎት መስጠት፤

• የሰው ኃይል አቅርቦትና ፍላጎት መካከል ያለውን ክፍተት መሰረት ያደረገ የተሟላና ወቅታዊ የሥራ ገበያ መረጃዎችንተደራሽ ማድረግ፣ 

• ዜጎች ወደ ስራ ከመሰማራታቸዉ በፊትና በስራ ላይ እያሉ ከስራ ባህልና አጠቃላይ ከስራ ሁኔታ ጋር በተያያዘ የሙያ ምክር አገልግሎት መስጠት፣

• በክልል ዉስጥና ከክልል ዉጪ በሚገኙ የልማት ድርጅቶች የሰዉ ሀይል ጥያቄ ተቀብሎ ሥራና ሠራተኛን የማገናኘት ነፃ የሥራ ሥምሪት አገልግሎት መስጠት፣

• ሥራ አጦችንና ሥራ ፈላጊዎችን፣ ክፍት የሥራ ቦታዎችን የመመዝገብ አገልግሎት፣

• ለአገር ዉስጥ እና ለዉጭ አገር የግል ሥራና ሠራተኛ አገናኝ ኤጀንሲዎች የቅድመ ፈቃድ/የቅርንጫፍ ፈቃድ/እድሳት ቁጥጥር፣ ክትትል ድጋፍ አገልግሎት፣

• ወደ ውጭ አገር  ለሚሄዱ  ዜጎች በቴክኒክ ሙያ የክህሎት ሥልጠና የድጋፍና ክትትል  እና የቅድመ-ጉዞ ትምህርትና ስልጠና የመስጠት አገልግሎት፣

• ለሥራ አጦችና ሥራ ፈላጊዎች የቅድመ-ሥራ ሥምሪት ሥልጠና የመስጠት አገልግሎት፣

• የተለያዩ ዘዴዎችን በመጠቀም ከባለድርሻ አካላት ጋር በመተባበር ህገወጥ የሰዎች ዝዉዉርን መከላከል፣

• የውጭ አገር ሥራ ሥምሪት አገልግሎት መስጠት